【埋嚟睇．埋嚟玩】余逸思半個鐘狂食6隻紅蟹：事後見到蟹柳都驚

余逸思（Yoshi）今日（26/2）現身九展出席ViuTV全新直播互動遊戲節目《埋嚟睇·埋嚟玩》宣傳造勢活動。提到與伍姑娘（伍詠薇）合作做主持，Yoshi大讚伍姑娘風趣幽默：「因為我哋四位主持都係九十後，佢會叫我哋四條友做『枸杞』，同佢相處真係好開心，因為佢心境好後生，完全冇Generation gap，見佢個樣keep得咁好就知佢心地好好。」

此外，Yoshi為了節目更走訪韓國實地拍攝，並化身「大胃王」在一小時內狂食紅蟹，事後Yoshi喊驚話：「因為導演想睇吓我喺限時之內可以食到幾多隻，佢想用最真實嘅一面呈現畀觀眾知，事後我喺個半鐘嘅時間內，食咗六隻紅蟹，事後返到酒店個胃好痛，因為啲蟹比較寒涼，其實對女仔嚟講唔係太過適合食咁多，事後見到蟹柳都唔敢食，因為有啲反胃。」