【今日疫情】寵物都要抗疫？　獸醫教路點幫狗只清潔：可用蘋果醋

早前有內地專家表示寵物若接觸到武漢肺炎疫情和病人，也需要對寵物隔離監控。但言論好快就被世衛反駁，並指表示沒證據顯示貓狗會感染新型冠狀病毒。

武漢肺炎疫情持續，唔少主人都擔心家中主子會中招，甚至帶同愛寵出外散步也要為其帶上口罩，到底寵物會否染上肺炎？《今日疫情》嘅嘉賓註冊獸醫陳天欣就指出目前並沒有案例證明毛孩會被武漢肺炎感染。「喺貓狗身上最常見嘅病毒系第一型，而非第二型。」她又指出如果帶寵物出街後，可以1比1嘅蘋果醋去幫寵物進行清潔。「如果寵物唔太鐘意呢個味道，可以再搞稀啲，又或者用濕紙巾幫助。」

至於家中清潔的話，註冊獸醫建議用1比99或1比49比例嘅漂白水，但清潔前要先將寵物安置嘅房間，並在清潔後再用清水洗兩至三次。另外，有網民問到如果主人被送到隔離營的話，寵物該如何安置，註冊獸醫表示：「漁農署會可安排狗只隔離，入面會有獸醫做檢測，亦有機會拎樣本去化驗，如果狗仔完全健康無問題，主人亦都系健康，就可以接返屋企。另外，如果狗仔交比朋友／親人照顧，而呢段時候狗仔需要睇醫生的話，我都建議大家要向醫生申報主人嘅情況。」