【美選D.n.A】鄧月平玩一字馬 方力申睇到厭：望得多好悶
撰文：郭敏玲
出版：更新：
ViuTV舉辦的實況選美節目《美選D.n.A》將於下星期日（9月25日）晚上10時30分首播，而今日一眾候選佳麗與方力申（小方）到添馬公園大做瑜珈，公園裡的群眾及遊客見到有明星有美女，立即停低手頭上活動，紛紛上前圍觀。
小方提到有份參與節目拍攝，笑言對住佳麗對到厭：「你知啦，望得多靚嘢都會覺得好悶嘛。」其後他又透露之前跟隨團隊與佳麗到日本拍攝外景，親眼見過她們除了有靚的一面，還有醜陋一面，「有些佳麗的態度不認真，覺得自己有知名度，我都會鬧，有好些佳麗直接淘汰。」因為小方認為作為一個藝人，除了樣靚，實力同樣都好重要，仲話當中發現有佳麗的壞習慣，加上有些已婚兼有小孩，所以一個心水都揀唔啱，感情生活依然空白。
至於大熱佳麗5號張沛樂（沙律）都坦言拍攝過程都有被評判提點過，「當時聽完都會有迷惘，因為好想做返自己，而且當時摸唔透評判同比賽想要甚麼，去到後期都唔會諗咁多，唯有盡量爭取表現。」如此迷惘，沙律都話好在有男友林耀聲鼓勵自己，「得閒都會煮下嘢食畀我，呢排大家都忙，但感情都好好，我都會支持佢。」沙律還透露在節目裡會看到她素顏。
另一大熱兼有翻版黃翠如之稱的18號鄧月平（Larine）講到自己在節目入面有「醜陋」一面，「有一次我修眉，但因為太趕的關係，唔小心剃掉了半邊眉，所以我在節目裡大部分時間都係得半邊眉，因為未生返。」問到小方都有跟隨日本拍攝外景，有無被對方鬧時，Larine就話：「都係一些提點，我無被他鬧過，不過都是好事，是一種提醒。」Larine又講到自己去日本，無被當地人偷竊，她得知另一隊佳麗在泰國被偷錢之後，返到香港有問過15號馬倩宜（Happy），「不過佢都話唔知自己有唔見錢。