【Twins佛山騷】阿sa感觸落淚　阿嬌扮葉問出無影飛腳

Twins昨晚於佛山開唱，全場爆滿。歌迷不停大叫兩人Kiss，還有歌迷舉燈牌寫着「唔咀唔俾走」，阿sa就話，「上次在深圳咪講過，只此一次囉。又嘴？唔好啦！來到佛山，不如叫阿嬌做一次葉問表演一下佛山無影腳比大家睇好嗎？」阿嬌說︰「真係踢啦﹗我驚踢親你喎。」阿sa大笑，「我識避嘛，即管放馬過來。」阿嬌即起飛腳踢過阿sa的頭，令全場觀眾拍爛手掌。

當兩人唱到《相愛六年》時，自認已經努力練過忍喊，已經有了免疫力，不知是否中秋受月圓影響，阿sa望着阿嬌唱唱下就忍不到感觸落淚，阿嬌看到也流淚，「最衰阿sa喊，搞到我都喊埋，兩個人一起相愛了15年，唱到某些歌詞也一定會觸動的，無辦法啦﹗」提及中秋節，阿sa謂自己去了跟朋友玩燈籠，阿嬌就說去練泰拳，「剛剛開始了兩三日，最初真是成身痛，因為每一個動作，都是全身肌肉都會用到。但是剛在台上踢腳，其實差些滑倒跌低，因為我踢完踩到自己條紗裙尾。」

最後Twins透露，將於上海站唱全新國語歌，這首歌由林俊傑作曲、黃偉文填詞，單是歌名就有十二個字長，非常之勁。