【法證先鋒IV】海俊傑演「特別職業」 原來靠把聲都追到兇
撰文：賴家杰
出版：更新：
無綫（TVB）劇集《法證先鋒IV》首播高達33點，有份參與的演員都非常鼓舞，而海俊傑（海仔）昨天（19日）錄影節目《流行經典50年》時，便指自己將於《法》劇第9集出現，更指自己戲中的職業是「聲紋師」，相當特別：「聲就係聲音啦，紋係指紋。要分析把聲係咪屬於原本個個人，因為原來聲音都可以偽造。」
海仔續說：「《法證》係TVB好經典一個系列，加上咁大製作，有份參與已經非常開心。」原來除了《法》劇，他亦正在參與另一套經典，海仔說：「我而家都拍緊《陀槍師姐4》。尋日先開鏡，去到第五輯，今次我做高級警司。（你都拍幾多經典系列！）還好啦，多唔算多，但有份參與係好開心。」