【武漢肺炎】6號於《#後生仔》發表道歉聲明：處理內容會更加謹慎

陸浩明（6號）日前在無綫節目《#後生仔傾吓偈》內，因錯講2003年香港是2003年沙士（SARS）的病毒源頭，遭網民圍攻。他日前先透過傳媒訪問向大眾落淚致歉，昨日亦在《#後生仔傾吓偈》節目中作出一個更正式的道歉聲明。

6號在節目中表情嚴肅地就自己早前的錯誤言論致歉，他坦承當時是自己的疏忽和不足，在聲明中，他糾正當年SARS疫情的相關資料，：「喺2002年SARS開始喺廣東順德爆發，至到2003年肆虐香港。衛生署喺當年3月鎖定其中一個源頭，相信係曾經入住九龍區一間酒店、懷疑喺內地已經染病嘅廣州中山大學退休教授。」

「如果之前大家之前因為我的口誤，講錯一啲內容，牽動你的情緒令你唔舒服，我為呢件事深深致歉，同埋對唔住，經過今次教訓，我同《後生仔》製作組在處理節目內容更加謹慎。」最後，6號代表一眾「後生仔」向當年SARS及今次武漢肺炎的抗疫醫護人員致謝。