森美父母被困鑽石公主號　稱情況唔樂觀：唔知傳染源頭喺邊好擔心

「鑽石公主號」郵輪日前再多再多99人確診，森美父母亦被困於船上，他早前在電台節目《早霸王》開咪時，提到自己嘅心情由最初嘅安心到近日開始十分擔心，事關日前他錄製抗疫節目時，同場醫生們對病毒都有不同睇法，好多嘢都係靠估，有醫生亦指出冠狀病毒潛伏期雖然有14日，但一般4至5日會見到病徵。「我父母由4號開始隔離，到而家已經12日，加上佢哋唔係走來走去，所以都安心。我之前都係問父母都唔係好細仔，淨係問有冇事、悶唔悶。」

直到日前森美得知確診個案中有70個係無病徵時，令他感到十分擔心，因為傳染源頭是甚麼，他又指美國公民返關島時，都有十幾位是有確診而回國隔離，而他從新聞得知香港安排應該是如果被確診便不能回港，親密接觸者也不能回港，他說：「所有資訊都係我睇新聞，唔係由我父母嗰邊得知，因為其實船上資訊係零，幾日有一封船長的信，但船上確診人數幾多係唔知，有幾多香港人亦都唔知，有時我將香港新聞Whatsapp佢哋，佢哋都話唔知，好彩而家資訊發達，不過都會有啲擔心，好似唔樂觀，可以潛伏十幾日。」

森美日前錄製節目時，不少醫生都向他提供資訊。「我有叫媽咪沖涼時用濕毛巾封下渠位，平日又要倒水落去，因為係中央冷氣出風，而家都叫父母喺房中戴口罩。初時職員送餐係打開咁送，但咁表示會接觸到空氣或飛沫，反映之後已經放入盒，水就無問題，係樽裝水，但就叫佢哋唔好同職員交談，因為之前有檢疫人員都確診，餐具真係要用水煲滾一滾，唔好就咁洗就算。」

他指父母的測試報告仍未出，預計要兩日時間，希望一切無事。小儀提到船上有乘客表示不想返港後仍要被隔離14日，森美表示父母亦覺得隔離14日十分辛苦，但森美指出：「我想佢哋快啲離開隻船，因為咁係離開個源頭，記者問想唔想團聚，我最重要係佢哋健康。」他之後解釋船上嘅香港人係通過測試才獲准上機離開。「「作為仔，唔係我不孝，我情願佢哋返港後入隔離營，因為地球很危險，我想保護你，佢哋入住隔離營我會心安啲，因為嗰度安全，佢哋又測試咗無事，我講完之後媽咪話認同，但暫時未知結果，因為佢嘅報告仲未有。