范瑋琪神隱但唔收口　繼續同網民駁火

范瑋琪早前因台灣嘅口罩令而辱罵行政院院長蘇貞昌「狗官」，結果引來全城圍剿，雖然范范事後道歉兼全面停工，但把口繼續唔收。

其歌手好友葛仲珊日前在IG力撐范范，直指傷害范范的人是錯的，大家要拿出良心，再度觸動網民神經，紛紛留言「無緣無故就罵人是對的嗎」、「難怪能當好朋友，物以類聚」，最終葛仲珊頂唔住網民圍剿，關閉留言功能之餘仲刪PO，不過，喺刪PO前夕，有網民就發現范瑋琪原來都留喺葛仲珊嘅文章下同人開火：「我沒幫過台灣？？？ok，隨便了……無語」以及「誠心誠意的道歉了，你還需要我怎樣才滿意？去死嗎？」對於范瑋琪次又一次咁提到「死」，網民反感之餘，亦提議佢不如去武漢救災。