【武漢肺炎】傅嘉莉日本通宵掃近千個口罩：只留60個畀自己用
撰文：張嘉敏
出版：更新：
武漢肺炎疫情愈趨嚴重，且蔓延全球各地，掀起了全城瘋搶口罩及各類消毒產品潮，尤其是口罩更是一罩難求，不少人都要四出撲貨，傅嘉莉 (Kelly) 亦是其中一個。Kelly早前與她的家人一行七人到了日本旅行，當然有趁機買口罩啦。Kelly表示今次去了關西旅行期間一直有留意住香港新聞，得悉香港口罩已賣斷市，所以在當地不惜捱眼瞓通宵買口罩。
Kelly首先在京都和奈良只是買了一、兩盒口罩，因當時香港仍未斷貨，後來她去到大阪才知道香港已是一罩難求，她的親友亦求救表示沒有口罩了，所以她和家人就邊行邊買，甚至捱兩晚通宵去24小時的商店買口罩，其中一晚凌晨一時許剛好見到有店員話當晚會補貨，於是她們就一直在店門外等，等到凌晨三、四時店員上完貨，終於買到口罩和少量消毒用品，可謂相當幸運。
不過Kelly強調今次只是買她和家人親友所需要的數量，並沒有瘋搶來囤貨。問到Kelly此行買了多少個口罩，她說：「我哋買咗900幾個，但係我只係留咗60個左右畀自己用。其實係我同我嘅家人總共七個人一齊分嘅，仲有部分係分享畀我哋嘅親戚朋友，我有啲朋友做空姐，佢哋更加需要用口罩，所以我都送咗啲畀佢哋。」
點擊下圖逐格睇Kelly嘅靚相：
+15