【今日疫情】ViuTV開新節目　教大家如何消毒衣物同揀口罩

武漢肺炎疫情持續擴散，ViuTV推出新節目《今日疫情》，首集搵嚟感染及傳染病科專科醫生林緯遜，以及精神科專科醫生麥棨諾做嘉賓，並全面講解選擇口罩、清潔衣服、家居、運動抗壓等方法。

節目中，有網民留言問到以1比99的方法消毒衣服是否有效，林醫生指出其實用返平時洗衣機的方法就可以：「但如果係去過醫院之後，可以先用1比49嘅漂白水去浸衣物30分鐘再進行清洗。」另外，亦有網民留言問到過期而未開封嘅口罩能否使用，林醫生指出：「口罩本身係阻隔作用，佢唔會有化學物品在裡面，亦唔會好易過期，但不過一般口罩出廠大概3至5年，物料會變得唔係咁好，所以最好唔好用。」另外，亦有網民提到如果買唔到口罩，可唔可用消毒過嘅毛巾「頂檔」，林醫生表示毛巾濕水後容易滋生細菌，所以並唔建議使用。
 

民間口罩全面睇，節目主持人仲即席示範埋