劉思希為《巨輪2》自製月餅 難忘沖繩便利店瘋狂購物
無綫最近播出《巨輪2》，由羅信記如何發跡，講到一場商業鬥爭。今次有不少觀眾的焦點都放在劇裏飾演豪爽妹Nana的陳凱琳（Grace），不過當大家留意Grace的演技的同時，都可以留意一下另一位同劇的女演員劉思希（Lisa），繼《巨輪》飾演琳琳之後，第二輯依然有份演出，負責帶羅威信（蕭正楠飾）到日本沖繩尋找原材料。戲內的她斯斯文文，而現實的她為劇集都出心出力，尤其臨近中秋節，劉思希就特意自製難度相當高的傳統月餅，慰勞一班幕前幕後。除了非常識do之後，劉思希看來也很賢良淑德呢。
製作月餅如此花心機，而劉思希原來不是第一次整，「之前都有整過（月餅），但就好普通，而今次為了《巨輪2》，就特意買了餅模刻有『巨輪』的字樣，諗住與工作人員見面時，請他們吃，應下節兼慰勞一下他們。」她最近為了做月餅，更經常要搞到半夜才睡，「其實都要好花心機，我同我朋友一齊整，大家就好似變了工廠妹，不停包餡料及蓋模，好似工廠式運作。」月餅如此具難度的食物都做得到，劉思希平時一定是位廚神啦！她笑笑口回答：「平時都會煮下嘢，簡簡單單的就OK，大嘢就難些少了！還是做下甜品這些比較基本的。」
今次有份演出《巨輪2》，劉思希可以飛到沖繩拍攝，令到其他只能在港拍攝的演員非常羨慕，加上當地出名陽光與海灘，就算去工作，點都會有少少holiday mood，但劉思希就話其實無大家諗得咁「梳乎」，「因為去的時候是11月底，天氣已經好凍，不用roll機的時候，個個都穿着大褸，埋位先至除。」去得日本，加上「日本出品，必屬佳品」，所以Lisa笑言拍攝最難忘的就是到當地的便利店搶購日用品，「其實沖繩的店舖比較唔就腳，所以一去到便利店，一行幾十人齊齊買東西，買到貨架都吉晒，非常搞笑。」問到是否滿意今次在《巨輪2》的演出，Lisa就話：「朋友說比上次好、比之前自然，但我覺得可以再好些！」