【武漢肺炎】甄詠珊無懼疫情 唔戴口罩四圍走 ：其實唔擔心就假

甄詠珊今日（29/1）現身電視城為無綫處鏡喜劇《愛·回家之開心速遞》進行拍攝工作。提到武漢肺炎疫情急速惡化，被問到未埋位為何不配對口罩防疫？詠珊坦言：「因為頭先啱啱拍完一場戲，我覺得呢度安全所以冇戴，況且宜家公司對防疫工作都做得好好，每次要入TVb嘅人、都必定要量咗體溫先可入嚟，而且我又要化妝要拍劇，怕戴咗口罩，令到皮膚容易敏感。」

為防範武漢肺炎在香港爆發，港府實施相應措施，將多項政府公共服務暫停，避免人群聚集，出現人傳人危機。詠珊直言作為一位演員無可避免：「其實你話唔擔心就假，我覺得我哋呢一行真係好偉大，始終我哋都係服務性行業，觀眾都要每日睇電視觀看節目，咁所以我哋要不斷提供優質嘅節目劇集畀觀眾，咁所以我哋冇可能戴住口罩嚟拍，又或者停咗啲製作唔拍，咁惟有盡量多啲注意個人衛生。」