【黃金有罪】陳瀅真人同戲中一樣熱情　遇男友冷待會主動問點解

無綫（TVB）劇集《黃金有罪》今日（22/1）舉行宣傳活動，女主角之一的陳瀅（Jeannie）都有出席，她與洪永城飾演的一對將會愈來愈Sweet，更有激情咀嘴戲份。Jeannie透露隨着劇情的發展，兩人將會有更多甜蜜親暱的舉動，會有不少身體接觸。她說：「都係好自然流露嘅肢體動作，因為我哋呢對係比較調皮，會幾好玩。」而Jeannie在真實生活中，作為女朋友也會有熱情主動的一面。

Jeannie說：「我都會黐身嘅，但係又唔會無時無刻都黐住，就好似隻貓咁，想黐嘅時候就黐，唔想嘅時候就會走開。我都鍾意男仔黐我嘅，但又唔好太過黐，時冷時熱咁就好喇。」原來Jeannie可以接受到男友對她忽冷忽熱，她亦明白理解到一對情侶不會一直都處於熱戀期，熱情會冷卻下來亦是正常現象。她說：「我細個時就會100%投入晒畀個男朋友，係戀愛大過天，但係大個咗就唔會咁樣。」問到可曾試過有男友突然對她很冷淡，她坦言：「絕對有，不過我唔會係佢冷我就更冷嗰種，我係會主動搵佢，會問佢點解咁冷淡。」