【開心速遞】周嘉洛獲最佳男配角冇飄飄然：希望更加孭得起呢個獎

無綫處境劇《愛．回家之開心速遞》舉行新春活動，劇中主角之一的周嘉洛都有出席。他早前在《萬千星輝頒獎典禮2019》勇奪最佳男配角獎項，獲劇中一眾演員送上蛋糕祝賀。嘉洛開心地多謝大家，又謙虛地強調該個獎項是屬於成個《愛．回家》劇組的。他坦言：「今次呢個獎對我嚟講，絕對係好大嘅鼓勵，呢個獎係屬於《愛．回家》嘅，希望我嚟緊會愈來愈進步，會更加孭得起呢個獎。」

嘉洛自言並沒有因為得獎而覺得飄飄然，只會更加努力去工作，至於會否加騷錢，他說：「唔會諗呢啲，都係交畀公司同經理人安排，我自己主要係睇工作機會。」對於他在劇中與Bonnie （林凱恩飾）可會有新發展，例如走到結婚一步，他笑言：「結婚都好喎，睇下編劇可唔可以寫我哋結婚。」而農曆新年他會有三日假，會用來陪屋企人：「平時開工無咩機會可以喺屋企食飯，放假好想陪媽咪食飯，佢好好，好支持我嘅工作，好體諒我，從來無怪過我唔陪佢。」