【大醬園】為搶朱晨麗與何廣沛鬧不和？　吳業坤：唔好爆出嚟！

無綫電視劇《大醬園》周六（18日）舉行宣傳活動，飾演男主角的何廣沛與吳業坤在戲裡經常稱兄道弟，但戲外卻竟然為女人而鬧不和，兩人接受《香港01》更直認不諱！

二人異口同聲說：「有少少不和！」何廣沛帶點酸微微的口吻說：「佢有場床戲都幾激㗎！我都有少少嬲嬲豬點解自己冇份拍！」皆因與坤哥拍床戲的對象為朱晨麗！何廣沛妒忌說：「正啦！我妒忌又羨慕！（有去監場？）我唔使監，日日都喺個場到瞓着！」坤哥續言：「我覺得拍嘢最緊要大家夾到，夾唔到就講咩都冇用！」何廣沛：「你真係覺得夾到？」坤哥：「唔好爆出嚟啦！」何廣沛：「盡人事啦！」似是意有所指。