【萬千星輝2019】鄺潔楹冇用墊兼做唔夠安全措施：有少少顧慮

有「仙氣女神」之稱的鄺潔楹（Judy）日前（12/01）出席《萬千星輝頒獎典禮》，一襲V領開胸白色長裙，再加上超高衩大騷「長」腿的剪裁，可愛之中又帶點女人味，實在養眼。

鄺潔楹接受《香港01》訪問時笑着說：「呢件衫叫『估你唔到之開衩』，哈哈哈。我覺得呢個估唔到之處，係冇諗過我今日個賣點係對腳，因為我係哈比族嚟，又細粒，不過細粒都有細粒好睇，比例上可能爭少少。」上身有沒有「Push-Up」？「係冇嘅，同埋個安全措施都做唔夠，所以都有少少顧慮，不過墊嚟講係冇用到嘅。我頭先不斷同自己講：『我冇踩到條裙，我冇踩到條裙』喺度真係要多謝頭先陪我行紅地氈嘅黃庭鋒。」