【萬千星輝2019】李佳芯密實西裝褸行紅地氈：大家都睇唔到！
撰文：趙允琳
出版：更新：
《萬千星輝頒奬典禮2019》今晚（12日）於TVB電視城隆重舉行，李佳芯（Ali）以一身深藍色西裝造型現身：「我喺頒獎典禮比較少着型格嘅衫，大家都知我比較少行性感路線，所以就揀咗件西裝褸。」
對比起密實的上身，Ali笑言整個造型的重點放在下身，並非昂貴的首飾：「我覺得始終女性有女人味會比較吸引啲所以下身揀咗個透視喱士裙，不過大家都睇唔到，我錯咗重點！」
去年憑《BB來了》奪得視后，Ali坦言今年並不期待再下一城：「都冇乜可能啦，哈哈，其實我所有嘅運氣都已經用晒喺上年攞呢個獎，但當然啦，希望之後一路都順利，最緊要繼續有好嘅角色，對我哋來講，獎就輪流嚟，畀吓其他同事大家一齊開心。」