【萬千星輝2019】生日兼奪演藝人大獎　劉丹：幾十年都冇獎攞

無綫年度盛事《萬千星輝頒獎禮2019》首個頒發的獎項「萬千光輝演藝人大獎」由劉丹奪得，由薛家燕負責頒發給他。今次家燕姐不再以「登基」look亮相，明顯不想搶了得獎者的鏡。她以「演技出神入化，實至名歸」來形容劉丹。

劉丹感動得哭了，在台上笑言：「估唔到家燕你大過我咁多，大過我8年，演藝年資方面。我入行幾十年咩嘢獎都無攞過，一個獎都無攞過，一嚟就攞過大獎，咁啱今日係我農曆生日，係咪應該畀張tissue我呢？幾十年嚟乜嘢辛苦我都捱過，有時辛苦到想話唔撈喇，但見到出嚟嘅效果幾好呢，又唔記得咗喇。我覺得自己好好彩，能夠做呢行係自己非常喜歡嘅事業。」他又多謝珍姐。