【後生仔傾下偈】搵高人求姻緣 戴祖儀放風：有誠意就有回應
撰文：吳子生
出版：更新：
戴祖儀（Joey)今日（10/1）現身電視城出席無綫節目《溫哥華後生仔傾下偈》記者會。Joey直言加入節目當主持後，急才轉數大有進步：「數下已經兩個月時間，宜家仲習慣緊，雖然個腦係轉到快嘅，但把聲就爛咗。」提到新年大計，Joey透露三月份將會約見師傅問運程姻緣，求指點迷津。（搵師傅算下與羅天宇夾唔夾？）Joey笑言：「緊唔係啦，呢啲對象個個都得，只要有誠意就有回應，不過我同天宇係朋友關係，但又唔會話避忌之後唔見面嘅，只不過嗰次俾人影到，以為我哋有嘢啫。」