【踩過界II】潘志文談演中風技巧　要睇書講層次：唔可以千篇一律

有無綫御用「中風王」之稱的潘志文（潘翁）今日（7/1）出席在電視城舉行的無綫劇集《踩過界II》開鏡拜神儀式。「潘翁」今次在劇中飾演一名有權勢的富豪，但提到與眾年輕演員合甚有火花：「因為宜家啲演戲方式，同我哋老一輩嘅演戲方式真係好唔同，我哋舊有演戲模式係『婆媽』少少，宜家嘅新導演新劇本新演員嘅做法好新時代，所以我都盡量迎合導演要求去做，跟住劇本條路去走，因為自己唔係好鍾意去創新爆啲嘢出嚟，幾十年嚟自己都冇呢個習慣。」

又要演中風？　潘翁：宜家未收到劇本話需要

被問到劇中會否有中風場口，潘翁笑言：「暫時到宜家都未收到劇本話需要，之前都拍過幾部劇集講我中風（《以和為貴》、《EU超時任務》、《幕後玩家》及《再創世紀》），其實演中風都好難，因為有好多層次，唔可以千篇一律，喺演之前都要做準備功夫，睇下相關書籍，再睇下啲真實個案，然後投放喺自己個腦度，到演嘅時候就會好容易做到嗰種效果。」

【再創世紀】潘志文親自解釋中風演法：每一次爆血管都唔同

【再創世紀】潘志文又「中風」 除咗「歪嘴」仲有新演法！