【踩過界II】拍續集盲俠角色再上身　王浩信：一路喺自己血入面

王浩信今日（7/1）現身電視城出席無綫劇集《踩過界II》開鏡拜神儀式。浩信直言相隔2年之久再拍續集，心情相當興奮：「因為係我入行以來，第一次拍劇集，拍到第二輯，再次延續番上次嘅角色，感覺好熟悉，嗰種感覺就係原來盲俠嘅角色，一路都係自己嘅血入面，好似我見番啲拍攝場景，就會即刻Call番出嚟。」

相信很多觀眾都很想知《踩過界II》的最新劇情發展會係點，咁就等劇中男主角王浩信話俾大家知啦，聽吓佢點講：「其實個劇情我都一路追住本劇本去睇，第一集主要圍繞講角色多啲，圍繞角色嘅心路歷程及經歷，因為今輯係第二輯，咁所以會圍繞一啲有趣嘅案件，包括關於雙性人嘅案件，及一啲清官難審家庭事嘅一啲血案，暫時就劇透咁多止下咳先。」