第44代「五色戰士」《魔進戰隊》3月登場 點解全部紅色做隊長?

撰文:秦志鴻
出版:更新:
其實除咗《恐龍戰隊》、《五星戰隊》,香港人對「五色戰隊」又有幾多認識?其實呢兩隊「戰隊」都系日本朝日電視台自1975年開始連載嘅《超級戰隊系列》嘅其中一分子,《恐龍戰隊》其實已經系第16代(1992年)、《五色戰隊》就係第17代(1993年),總數44隊。而呢個《超級戰隊系列》嘅最大特色,就係幾乎所有都系由5人組成,另外再加1或多位「特別角色」,例如《五星戰隊》入面,由原本組成嘅「紅、綠、藍、黃、粉」額外加多位白色隊友;而另一個最大特色,就係清一色都系用「紅色」戰士做主角/隊長(企中間)。原因方面至今有好多猜測,但最為人所認同嘅系日本國旗系一個「紅色」太陽,所以淨用紅色。而最有有創意嘅地方系,喺呢44隊入面,話就話嚟嚟去去都系嗰幾隻色,但全部戰隊都唔同名,服裝造型亦有所不同,所操控嘅機械人亦都有好明顯嘅分別,但一次過睇曬44隊,真繫好似玩緊Photo Hunt!而嚟緊3月就會喺日本播放嘅第44代超級戰隊-《魔進戰隊》。


+39