【武漢肺炎】陳豪勇闖疫區登台 返港立即全身消毒：鼻窿口腔洗晒
撰文：吳子生
出版：更新：
日前陳豪攜同媽咪往內地武漢疫區出席私人宴會任表現嘉賓，逗留一晚昨日返港。今晚（4/1）陳豪現身現電視城出席無綫《慈善星輝仁濟夜》。提到勇闖疫區，陳豪直言安全保護措施做到足：「其實今次表演晨早就安排咗，但喺我上去之前幾日，先睇到關於喺武漢發生嘅事，當知道呢個消息之後，就聯絡主辦方查證下個情況係點，回覆我哋舉行嘅地方與發生嘅地方相距好遠，自己評估咗覺得安全先去，所以自己都帶定口罩上去，以備不時之需防止感染。」
回港後全身清潔 沒想過要隔離
被問到會否自我隔離？陳豪笑言：「我又冇諗過喎，因為我唔知要去邊度隔離，哈哈，其實我返到屋企已經即刻用消毒洗手液沖涼，全身到洗晒，諗到嘅地方眼耳口鼻窿口腔都洗晒，所以我都做盡晒，其實我真係冇去過咩地方，我唔認為我會有事，因為我宜家都好精神。」