洪永城突加咀戲朱晨麗感難受 何廣沛：可能係心急咗少少錫咗落去
撰文：吳子生
出版：更新：
何廣沛（Matthew）今日（30/12）現身將軍澳出席無綫劇集《食腦喪B》造型記者會。Matthew透露在劇中會扮演一名喪屍，直指過足戲癮：「真係冇諗過可以係拍戲過程中，可以扮演一啲唔係人嘅角色，對我嚟講係一個好大嘅挑戰，同埋好有玩味嘅感覺。」
提到緋聞女友朱晨麗早前拍攝劇集《多功能老婆》時，遭洪永城突加咀戲感到受委屈，心情大受影響。Matthew直言：「其實件事我唔清楚，但作為專業演員，大家事前溝通係需要嘅，但如果係自己事前一定會溝通咗先，其實拍戲唔係大家打開個劇本，背晒對白就算，係要同對手交流，又其係拍親熱戲時要特別小心，唔會話採排嘅時候錫咗埋去，至於洪永城點解錫咗落去，可能係心急咗少少錫咗落去，唔知佢喇！」