【黑市】魯文傑拍攝時遇怪事：啲燈開唔到大家唔出聲

魯文傑昨日（19/12）出席ViuTV新劇《黑市》記者會，他在《上樓與詭聲》單元中飾演收音師：「係做行內audio嘅人，拍攝環境入面聽到唔應該聽嘅聲音，係由工場內嘅骨灰甕發出，我自己睇劇本都覺得好恐怖。」作為演員，魯文傑時常與收音師合作，所以拍攝時更加投入：「成日都會見到收音師，今次有機會飾演。劇中我有個女，咁啱我有個仔，又會有爸爸嘅感覺。」談到有否遇上靈異事件，魯文傑直言：「場地問題，啲燈突然開唔到，大家唔會出聲，知道咗就算。唔會追究，繼續開工。」

曾是TVB藝員，魯文傑說而家拍劇大有不同：「拍攝手法冇以前咁辛苦，冇咁多組接組嘅戲。方式唔同咗，尺度會大，創作係應該有自由度。如果有限制，就跟返唔同規矩玩，演員應該有彈性。」