【港男2016】麥凱程讚港姐拍檔劉穎鏇靚女：見到佢好心動
撰文：溫菁莉
出版：更新：
話咁快《香港先生選舉2016》於星期六晚就要舉行，十位準香港先生今午繼續到馬鞍山拉票，但今次幫自己拉票之餘仲要幫香港小姐拉票，真係要落足嘴頭！而今次「現場最佳表現香港先生」獎項則由1號鍾君揚（Freeyon）獲得。
至於被視為大熱之一的2號麥凱程（Alex）拉票時，就指自己是最有心和浪漫的港男，更用法文大讚拍檔2號候選港姐劉穎鏇靚，仲話一見對方就好心動。問到會唔會追對方？Alex就疑似爆對方有男友，所以不會追求。他透露自己將於星期六表演演講：「之前講過表演自由搏擊，但我想騷可以表現到我另外一面。」
鍾君揚（Freeyon）透露為了今次花了不少時間：「想講得流暢一點，但又不想太過背書咁，所以寫大綱，之後再自由發揮。」做第一個上台難免會緊張過其他參賽者，Freeyon亦認同：「自己本身都做過老師和主持，所以面對觀眾的時候，會比較淡定。」提到今個星期六就要比賽，他透露才藝表演會展示音樂才華：「自己本身都喜歡唱歌，但不能透露得太詳細。」至於今次被在場觀眾選為「現場最佳表現香港先生」，問到有否覺得離冠軍又近一步？Freeyon笑言：「無諗得咁長遠，希望觀眾到時再投我一票。」