【九巴奪命車禍】許家傑與死神擦身而過：突然覺得天，真係唔等人

粉嶺公路12月19日發生奪命車禍，978號九巴失控撞向左邊防撞欄再撞向樹木，巴士嚴重撞毀、上層車頂被「劏開」，造成6死40傷。《愛．回家之開心速遞》中飾演送水輝嘅許家傑，原來平時都搭開呢架車，有感而發話：「突然覺得有時天真係唔等人。」

978路線巴士來往粉嶺及灣仔北，原來許家傑平時都有乘搭：「今日發生一宗嚴重交通意外，而那路線的巴士我也有坐。突然覺得有時天真係唔等人，我在想如果我突然就走左，我會好後悔冇同呀媽飲多啲早茶，我會怪有一場戲冇做得最好，我會嬲自己冇過好每一天。但呢一切都已經徒然，我哋唯一可以做嘅就係珍惜眼前人，盡力做好每件事，愛身邊你重視嘅人。」