【黎小田設靈】陳少霞哭成淚人　李文輝：以前成日一齊彈琴唱歌

李文輝、陳少霞夫婦今天（15日）前往紅磡世界殯儀館悼念黎小田，他們在接受訪問時候李文輝表示已認識黎小田20年，他分享與黎小田的難忘經歷：「最難忘嘅事係大家以前成日約出來傾偈，佢會彈琴，大家一齊唱歌。我唔知佢有病，佢向來唔講呢啲嘢，我係睇報道先知佢過咗身，真係唔好意思，其實我同佢冇見面年幾，所以冇去醫院探佢，但有聯絡，我之前結婚佢都有嚟，仲投訴點解冇個琴畀佢番彈兩首歌。」

在旁的太太陳少霞亦忍不住流下眼淚說：「其實呢段時間好忙，唔知道原來佢一直病緊。自己之前帶阿女到養和醫院打針，見到唔少記者守候，冇諗過原來係小田生病。我好慶幸小田哥設靈時自己喺香港，可以送對方最後一程。」

《01最賞睇娛樂大獎》「最有話題新聞」包括我最喜愛男歌手、車廂偷食等統統上榜！立即投票贏取超過70萬元豐富獎品，包括終極大獎旗艦手機11 Pro Max，同埋01積分等。