【打天下】首次拍劇勁驚 AK@MIRROR：第一日開工要叫花姐陪我！
由歐錦棠身兼監製和主角、故事圍繞空手道的ViuTV新劇《打天下》，日前在日本沖繩拍罷所有外景後正式煞科。在劇中飾演二師兄關志浩的男團MIRROR成員Anson Kong（江熚生，AK），周日（8/12）出席《全民造星II總決賽》「終極十強」拉票活動後受訪，直言今次參演這套新劇，有如經歷一次進化，感受良多。「學你話齋，呢次係我由頭到尾第一次成套劇擔正，開頭嘅時候真係好緊張。」
聖誕就到，準備好禮物未？投【01最賞睇娛樂大獎】，有大把禮物抽喎！超過70萬元豐富獎品，包括旗艦手機11 Pro Max、Dyson風筒，仲可以有01積分換唔同禮品！
由於並非紅褲子出身，撇開之前拍攝《退休女皇》不說，AK拍劇經驗可謂近乎零，所以真正入組前，壓力大到要向經理人花姐求助。「好記得開鏡嗰日，我仲問花姐可唔可以陪我開工，因為如果得我自己一個去真係好怕！」直到一個月後，AK漸漸開始進入狀態，「成個劇組，包括棠哥同導演都好包容我照顧我，即係我唔識嘅嘢佢哋都慢慢俾時間我去試，俾時間我去學，喺煞科宴當晚，我同佢哋講，呢3個月我就好似嚿海棉咁，每日都吸收好多唔同新嘅技能，拍到呢套劇，就真係好開心！」
《打天下》沖繩取景 談善言演空手道黑帶大師姐：角色帶給我很多
拍喊戲前壓力爆燈 棠哥鼓勵要放膽去演
問到最深刻一次，是要演一場喊戲，跟開鏡前的情況相似，AK擔心自己應付不來，無法做到導演的要求，加上棠哥一句話，他更感憂慮。「佢同我講，話呢場戲好重要，因為係喺故事入面講我同我爸爸嘅感情，所以壓力好大，但係好順利，拍嘅時候竟然可以一Take pass！」棠哥作事後檢討時，對AK的演出給予讚賞，更鼓勵他要放膽去演，「佢話唔使成日都問我意見，即係你嘗試下用自己嘅方法去做咗先，唔使成日都問我意見，有唔啱嘅話我再話畀你知。」
AK坦言，因為棠哥的鼓勵，令他感受到自己的心態有變，「佢俾咗好多信心我，亦令我由開頭好怕演戲，到後來對呢件有少少興趣，呢個係我拍完《打天下》嘅最大得着。」眾所周知，棠哥向來對畫面要求甚高，不想拍出來感覺「柴娃娃」， 所以AK透露，早在開鏡前兩個月，已跟棠哥密集式受訓，他和劇中飾演大師姐、擁有黑帶資格的談善言去到埋位時都需要真打，受傷難免，試過扭到手和弄傷腳，幸而沒有大礙。