【多功能老婆】於淼做霸氣小三搶人老公 自認感情方面好被動
在昨晚（5日）播出的TVB台慶劇《多功能老婆》中，藍飛（楊千嬅飾）老公劍雄（黃浩然飾）終於返港，並相約老婆見面，但小三顏成功（於淼飾）卻從中作梗，令藍飛撲空。成功態度非常囂張，不但當眾奚落藍飛，更開了一張9999萬的支票給對方，希望用錢買斷藍飛與劍雄的婚姻。事後成功返到酒店，還在劍雄面前扮委屈，手段相當高明！
《01最賞睇娛樂大獎》即日起至12月24日接受投票喇，仲可以參加勁抽雙重獎，隨時贏旗艦手機11 Pro Max、Dyson風筒、01積分等，總值超過70萬元！
這一場小三向正印「挑機」的戲掀起網民熱烈討論，不少觀眾都睇到咬牙切齒，為藍飛大感不忿，但亦有人大讚於淼的演出，將小三演得入型入格！對於網民的評價，於淼在接受《香港01》訪問時就表現得好謙虛：「我覺得自己仲有進步空間，初頭知道自己要做一個咁霸氣嘅女人都冇信心，有壓力，因為千嬅、浩然佢哋都好有經驗。寶華姐喺對白方面好幫到我，令我投入演顏成功呢個角色。喺現場我見到浩然同千嬅做戲我都好快入到戲，千嬅叫我唔好驚，浩然都有教我事前喺屋企着高踭鞋練下啲氣場，之後同柏豪嗌交嗰場有疊聲，佢哋都有幫我排。好幸運可以同佢哋做對手戲，所以有咁多觀眾關注。」
劇中顏成功這個角色非常霸氣，於淼在拍攝前都做足準備，除了苦練廣東話之外，更參考了不少作品：「睇咗范冰冰嘅《武則天》同《穿PRADA的惡魔》，睇下人哋點樣做，再借鑑一下身邊朋友嘅經驗。」其實於淼已經加入TVB七年，她曾在2012年參加《國際中華小姐競選》，落選後加入TVB，成為娛樂新聞台國語主持。近年積極參與戲劇演出的於淼，雖然經驗不多，但亦有不少角色成功引起網民關注。當中包括在《不懂撒嬌的女人》中同劉丹發展忘年戀，在《逆緣》中飾演姜大衛的太太，被稱為「御用阿伯殺手」！
於淼在劇中試過玩忘年戀，又試過搶人老公，但她不擔心會影響形象：「其實我都冇介意，做咩角色我都希望畀觀眾睇到唔同方面嘅演繹，之前嗰啲都系角色嘅性格嚟嘅啫，佢哋咁講啫繫有印象，我都開心嘅。」而現實中的她對另一半的要求亦很簡單：「我喺感情方面好被動，希望對方信耶穌，都鐘意睇戲同藝術，有上進心，希望大家一齊進步，睇緣分同天父嘅安排啦。」