黎諾懿認停工至明年二月 受社會運動影響收入減少：唯有忍讓下
撰文：秦志鴻
出版：更新：
黎諾懿今天（2日）出席到將軍澳電視城出席TVB節目《超級奶爸3》記者會，助節目宣傳造勢，不過他今日亦學到一些與家中小孩相處的知識：「雖然我同囝囝可能會有好多問題，但我自己嗰套方法，我會覺得只要用個心，就會了解到。不過我嗰套可能未必適合其他人，因為每個小朋友性格唔同。」
香港社會運動持續了半年，娛樂圈不少藝人工作量大大減少。諾懿亦直認受到影響，他透露到明年2月才有工作，現在以休息為主：「依家社會環境始終唔係咁好，咁我諗大家都要休息唞唞。倒不如等社會氣氛好啲再拍啲有質素嘅嘢畀大家睇。你夾硬拍咗，大家都未必會想睇，咪唞下囉。」
諾懿亦表示收入受影響到也是無可避免：「其實都冇辦法，唔單單係我哋問題。咁你話諾懿問題演得差就要檢討下啫，不過依家係大環境，無可避免。咁全香港嘅問題，咁唯有忍讓下，唔開心事快啲過去。」