王梓軒十周年演唱會12月舉行　有擔心聽眾安全：我唔會冒險

由林盛斌、王梓軒、范振鋒等主持的TVB節目《兄弟幫》已接近十年時間，伴隨不少人成長。主持之一王梓軒入行十年，今天除了是主持身份，他直言借這個機會宣傳他十周年的演唱會：「其實我開始有壓力，為了呢個演唱會我哋三個月前已經有排練。」

12月十周年梓軒演唱會，明年一月更要演出音樂劇，時間編排得非常密集，他說：「其實真係冇時間抖，係好攰。但我都想趁香港依家動亂時候，發放一啲正面訊息，所以我應該要更加努力。」

這半年社會運動關係，不少在年尾舉辦演唱會的歌手因為擔心聽眾安全問題，而取消演唱會，分別有陳奕迅、張敬軒等。梓軒在這方面坦言確實擔心：「我當然有擔心演唱會安全問題同埋依家社會氣氛。但係今次訊息我哋想畀大家訊息係感恩，所以係值得我哋堅持。但如果因為外在因素令到觀眾唔安全，我唔會冒呢個險。」