何雁詩超低胸賀甄澤權獲傑青　預告重回高爾夫球場：想為香港增光

昨日（11月22日）是「甄澤權榮獲香港十大傑青感謝晚宴」，一眾圈中好友葉念琛、楊明、莊思敏、莊思明和何麗全等都有盛裝出席到賀。高級餐廳應該着盛裝出席是常識吧，而出席嘉賓之一的何雁詩（Stephanie）就相當之尊重場合，一件黑色連身長褲，再加上胸前的Deep V設計，真係型格之餘又搶鏡。

何雁詩接受《香港01》訪問時，就笑說沒想到這件衣服的威力會如此強勁。她說：「其實件衫係光棍節（11/11）嘅時候喺外國買，因為嗰時買平啲，但係外國Model着唔係低胸㗎，係高胸，加埋條褲係唔會拖地，但係我着就變咗咁。當時趕住出門口，就冇所謂啦。」

談起近況，她就表示今年年尾至下年會重回高爾夫球的場上：「會參加多啲比賽，話晒我都係港隊，但係都有4個幾月冇比過賽，都想要努力啲練習，為香港增光。十大傑青真係好難攞，希望我都有機會，雖然機會真係好細。」