【唐伯虎點秋香】苑瓊丹大爆與周星馳拍戲壓力大：佢諗急口令好勁

苑仔（苑瓊丹）今日（19/11）為香港開電視全新節目《開工大吉77》擔任主持，現身香港仔拍攝現場，並會探討娛樂圈城中熱話，不過苑仔笑言：「希望大家唔好太期待我會大爆娛樂圈大秘聞，我諗我會爆啲冇咁大殺傷力嘅，因為我哋會爆一啲好正面嘅嘢畀大家，例如星爺（周星馳）咁佢真係一個天才，喺電影圈係一個奇葩，亦喺帶動咗香港喜劇行業，我諗佢真係可以代表香港一個喜劇文化嘅代表。」

被封為星爺御用丑角的苑瓊丹，提到同星爺合作當中的點滴，直指啟發了她喜劇新思維，要夠天馬行空：「因為佢嘅戲有佢嘅手法喺度，亦有一個主線，佢又會問下你點演，但佢又冇駕御你點演，其實佢好希望你會突破得到某啲嘢，好記得拍《唐伯虎點秋香》嘅時候，有一連串對白要講，又要配合節奏快慢去講，又要做動作，做咗好多次都唔得，多都都唔記得拍咗幾多次，之後星爺即場演一次畀我睇，跟住我做完佢都收咗貨，但你宜家問我，我只能夠講我做到佢三成咋，就算佢做畀你睇，你都未做到畀佢，所以拍佢嘅戲係壓力好大。」