黃建東望演智障角色　消除大眾誤解：佢哋都係好真摰嘅人

黃建東今日（16/11）以「創新大使」身份在長沙灣出席「賽馬會協創坊命名典禮」。他接受《香港01》訪問時便指這個地方前身是李鄭屋庇護工場，主要讓工友進行包裝、貼郵票等簡單工作，與賽馬會慈善基金會合作便主力訓練工友創意：「即係鍾意畫畫就安排佢哋畫環保袋，對皮革有興趣就安排佢哋剪裁皮革、造皮革製品。」又指自己希望未來能夠帶一些演戲、唱歌或跳舞的工作坊，發揮工友的「小宇宙」。

黃建東坦言不少社會人士仍對智力障礙人士有誤解：「我都希望可以做呢類角色，令大家記返起佢哋都係好單純、好真摰嘅人。好記得細個睇《肥貓正傳》係會感動到喊，最近睇類似嘅《非同凡響》、《黃金花》我都喊晒，之前試過坐地鐵聽到一個人好大聲講嘢，佢係智力障礙人士嚟，佢同佢朋友企喺車門講再見時，佢話『拜拜，打電話畀我呀，我會掛住你』，聽到我啲眼淚都流咗出嚟，所以好想令大家知到佢哋嘅優點。」

另外，提到他之前有意為母親圓夢開舞蹈學校，他便指最近經濟不景所以暫時擱置。