【牛下女高音】吳岱融放假嘆世界　否認富貴身份：唔好亂聽

吳岱融（Hugo）主演的《牛下女高音》到這星期要迎接結局，所以他便加緊宣傳，希望更多人能觀看這劇集。他說：「好開心套劇反應好好，唔捨得一定有，但好多觀眾朋友都同我講好好睇。」

劇情有生離死別，Hugo坦言很催淚，但他稱已經歷過親朋好友的離去：「我本人會用樂觀感覺面對，生老病死一定有。既然要面對，不如用一個享受過程，就好似劇入面主旨，盡量要尋找夢想，要開心。就算有病你唔開心都會咁，不如開心啲。」

劇集完結後，相信Hugo就能去「嘆世界」，他笑言一直在做這件事：「其實我都周圍去，咁我個仔喺星加坡讀緊書，咁都會探下佢，希望多啲陪下佢。主要星馬地區或者泰國，因為老婆怕凍，所以要揀陽光與海灘。（大家都好羨慕你）我哋呢行好得意，放長假唔係好事，富豪呢啲講㗎啫，唔好亂聽。」