【牛下女高音】黃心穎IG向演員致歉　張振朗：希望佢唔好怪責自己

張振朗今天（12日）出席《牛下女高音》的宣傳活動，劇集接近尾聲，振朗亦加緊努力宣傳這劇集，「其實得返四集，我哋都整多個宣傳。咁今個星期講到King Sir要離開，的而且確將劇情帶入高潮位，真係好虐心。」

面對生離死別是必然的事，振朗慶幸人生中還沒有到經歷的階段，他說：「好在我未叫經歷太近，如果真係要面對我都唔知點處理。我份人比較樂觀，所以希望如果呢件事嚟到，我會樂觀處理。我相信大喊一場會抒發到自己，我亦會匿埋去喊。」

劇集還沒有播出時，因受黃心穎事件影響而暫停。到劇集順利播出後，早前心穎終於在IG上發文向劇中所有演員說「對不起」，振朗也看見了：「我想同佢講一句，唔洗對唔住大家，因為套劇播到，反應又好好，完全冇影響，希望佢唔好怪責自己。」