林志玲AKIRA夫婦合體拍攝 「Just Married」牽手流露幸福笑容
撰文：洪曉璇
出版：更新：
11月17日林志玲同老公AKIRA，將會喺台南補辦婚宴，呢日有粉絲喺日本野生捕獲兩口子，著住情侶便服拍攝，疑似影婚紗相，但原來志玲姐姐早就準備驚喜送俾粉絲。
微博流傳出幾張林志玲同AKIRA，一齊著住白裇衫牛仔褲情侶裝，坐喺草地上影相，疑似拍攝簡約婚紗照。但原來佢地係為時尚雜誌首次合體拍攝封面照。林志玲經理人回覆傳媒查詢時表示：「謝謝關心，姊姊和姊夫有感受到大家都很期待，真的非常感謝。」
志玲姐姐原來暗地裡為粉絲準備驚喜，每年佢都會為「志玲姊姊慈善基金會」拍攝公益年曆，11月11日正式出貨，大家先驚覺原來裡面有張隱藏版夫婦合照﹗林志玲著上金色背心連身裙配以簡單妝容，拖住著上白裇衫卡其長褲嘅AKIRA，兩夫婦面上都有燦爛笑容，再加上「Just Married」字樣，睇相都感覺到佢地幾咁幸福。