林峯缺席林夏薇新店開幕 派未婚妻張馨月到賀成焦點
撰文：洪曉璇
出版：更新：
早前爆出林峯已經入紙申請同女友張馨月註冊結婚，雖然佢地未有正面回應婚期，但亦唔使再收收埋埋，之前佢地就首次孖住現身出席陳山聰婚禮。一個成功男人背後總有個賢內助，張馨月呢日就以未來阿嫂身份，代男友出席堂妹林夏薇食肆開幕禮。
林夏薇同林峯一向感情要好，呢次舖頭開張雖然阿峯未能親身到賀，都有派未婚妻出席。身穿卡其色連身長褲腳踏白波鞋嘅張馨月，為免搶焦點低調到場，亦無接受訪問，有記者追問婚期係咪下個月都笑而不語，只係痴實林夏薇影合照。
既然未來堂大嫂唔答，林夏薇又有無露口風呢？有傳林峯已經開始派帖，佢接受訪問時話：「我仲未收到喜帖呀，係咪今年都唔知。最近喜事連連，好多人都踏入人生新階段，自己都會開始構思買咩實用嘅結婚禮物俾堂哥。」