古天樂想拍「AI戲」用特技製造角色　宣萱：我真人啲戲好啲

古天樂與宣萱（Jessica）周二（5日）出席活動，談到二人雖是經典熒幕情侶，但卻是首次合作拍廣告，古天樂說：「今次概念幾得意，Jessica做一個虛擬嘅人，半透明嘅！」宣萱就說：「AI幾好玩，喺廣告有機會試下呢啲角色。」問到會否將這個題材帶到電影，古天樂說：「都有呢個諗法，不過可能係全AI唔使佢拍，就冇咁煩，用特技做宣萱出嚟。」旁邊的宣萱反駁道：「我真人啲戲好啲！」

古天樂談到自己在投資理財方面很是審慎：「通常我會問唔同意見、深思熟慮後先決定投資，因為我覺得搵錢都幾辛苦，所以一定要審慎投資。」宣萱則表示自己會集中在地產：「我自己鍾意睇樓，要諗清楚自己有冇能力供樓，尤其是而家實施咗九成按揭好吸引，但都要謹慎諗清楚先行呢步。」問到會否在外地投資買樓，宣萱說：「一路都做緊功課。」

古天樂與宣萱主演的電影《犯罪現場》正在上映，問到會否擔心因社會氣氛影響票房，古天樂說：「其實做電影最緊要拍一套好戲，所以好多外在環境唔係我哋可以控制，作為演員希望大家睇得開開心心。」