【亞姐2019】前冠軍張珮汶未諗復出　忙湊8個月大女兒：想再追B！

選美盛事《2019亞洲小姐選舉》決賽今晚（2/11）於大埔亞洲電視總台隆重舉行。2007年亞姐冠軍張珮汶（Grace，前名張家瑩）便指心水佳麗好難揀：「每位佳麗質素都好高，一陣間要睇下佢哋嘅現場表現先知，睇到佢哋就諗返起自己當年選美嘅情景，感覺好似啱啱發生咁樣，希望佢哋唔好咁緊張，以平常心去面對今次嘅選美。」

談到Grace的女兒已經8個月大，她便透露自己與老公有共識生多兩個小朋友：「我會一手一腳照顧個女，因為好珍惜同佢相處嘅時光，好似今晚咁，我已經好掛住佢，自從生咗小朋友，得確係少咗出席活動，少咗同朋友見面，咁所以喺時候出返嚟見返啲朋友，如果唔係就會慢慢脫節。（想唔想復出？）我未有打算，因為我想幫老公開枝散葉，怕太多兼顧唔嚟，因為一個小朋友，真係要投資好多時間係佢身上，咁等我再追多個B先算。」