洗米華與Mandy Lieu分手變「愛妻號」 家庭照著上身為太太慶生
撰文：洪曉璇
出版：更新：
早幾日傳出Mandy Lieu同太陽娛樂集團創辦人周焯華（洗米華）終於分手，3億分手費結束5年情，糾纏幾年嘅三角關係告終，洗米華亦成功𠱁返太太Heidi，一家人和好如初。11月1 日係Heidi的39歲生日，周家上下同佢開咗個皇室派對相當熱鬧。
洗米嫂Heidi化身蘇丹公主，著上民族服小露香肩，加上頭飾充滿異國風情，完全唔似將近40歲。細女周羨潼亦裝扮成茉莉公主，到處走睇相又玩滑板，仲黐住爸爸玩咀嘴。大小公主固然吸晴，但洗米華身上件TEE先係焦點，事關佢將一家人合照印上去，著喺身穿梭派對之間，高調放閃難怪壽星女咁冧啦。