蔣怡再一次解鎖成就揚威日本　盤點圈中擁有法國藍帶的女廚神

曾於法國藍帶廚藝學校學藝、兼以全班第一名成績畢業嘅蔣怡，早前代表香港到日本長崎參加亞洲名廚精英薈，佢日前喺facebook報喜：「在同一天取得個人銀獎和團體『最佳造型獎』，並受邀加入『亞洲餐飲廚藝協會』！接下來的目標，就是要進入中華廚藝學院！加油！多謝我們 『神的隊友』」又謂「雖然困難重重，依然準時完成。」蔣怡表示由於從未學過中菜，所以今次係抱著學習嘅心態去參加。

法國藍帶廚藝學院是世界最大的廚藝學校，由多名米芝蓮星級食肆大廚教授廚藝，除法國外，在台灣、日本及上海等地均設有分校。最受歡迎的課程非Grand Diplôme文憑課程莫屬，畢業證書受全球廚藝餐飲界認可，學有所成後不論自行創業或者從事相關工作亦有幫助。之不過，一個3個月嘅甜品課程就已經要8,000歐羅（約HK$74,380），而西餐課程則索價11,000歐羅（約HK$102,280），包了一套共約39件的廚具及校服。再加上當地的住宿、生活費用，閒閒哋都要15萬。不過，近年都有唔少人圈中人去挑戰，當中包括毛舜筠、徐淑敏、黃婉曼、Amanda S、雷頌德太太梁家玉以及宅男女神譚嘉儀（Vivi）。