慳妹衛詩雅全屋新傢俬自己裝嵌:最難裝係衣櫃
撰文:吳子生
出版:更新:
衛詩雅(Michelle)昨晚(29/10)出席在金鐘舉行的第16屆香港亞洲電影節,為有份演出的電影《長洲包山王》站台宣傳。Michelle一向有「慳妹」之稱,最近從內地網站訂購傢俬為新居添置,為了慳得一蚊得一蚊,免搵人裝嵌,實行大顯身手砌傢俬,並將過程上載到社交平台。
對此Michelle就話:「其實全間屋嘅傢俬我用咗唔使兩萬蚊買,真係又平又靚,全屋傢俬我都有份嵌,將床最易嵌,但衣櫃就最難嵌,不過好彩有非常犀利嘅木工嘅爸爸同姐夫幫手,其實大部分都係佢兩個幫我嘅,如果冇佢哋我真係搞唔掂,不過其中有一個櫃桶係自己裝嘅,都砌咗都成個鐘先完,原來發覺自己都幾勁,其實可以開公司幫人嵌傢俬。」