歐陽巧瑩拍完《金宵大廈》決定唔續約：做幕前壓力好大

2013年香港小姐競選的友誼小姐歐陽巧瑩周二（22日）出席明珠台《台慶鉅獻》活動，身材圓潤了不少的她被懷疑是不是「有喜」，巧瑩就笑稱這只是幸福肥，她並未懷孕，但她期待亦準備好成為一位媽媽，又獲林盛斌（Bob）等圈中好友傳授秘方，原來嬰兒是什麼性別，仔細至什麼姿勢也有影響：「老公林師傑偏向想生女。」

歐陽巧瑩入行六年，前陣子憑電視劇《金宵大廈》沈香蓮一角成功入屋，但她卻透露《金宵大廈》是她在無綫的最後一套劇：「我肯定唔會拍續集！」歐陽巧瑩稱明年與無綫完約後將中斷幕前工作，只因做幕前壓力甚大，要保持身材準備隨時投入工作；而現年27歲的她比較渴望建立家庭，近日亦忙於「經營」老公林師傑：「我有幫佢剪片同做片！」她又坦言希望生到30歲：「生得幾多得幾多！」

事後歐陽巧瑩接受《香港01》訪問，詳細交待今次決定，她說：「想輕鬆啲，想做嘢先做嘢 ，想休息就休息，唔想做全職藝人，因爲想全職老婆，得閒先兼職幕前，所以要回歸自由身。」她又稱不會不捨得幕前工作：「因爲我又唔係完全退出，有錢搵我都會搵, 但係會揀自己想做嘅，冇嘢做亦唔介意。我其實一向對電視圈，同電影圈冇乜熱誠，唔中意表演，唔中意受人注目，呢一切都係壓力。」

談到明年3月完約之後的打算，歐陽巧瑩就想經營狼人殺Channel：「之後會全力搞，因為我好中意玩狼人殺，呢個係我嘅熱誠！尤其是台灣 大陸 狼人殺已經好紅，好為人熟悉，相反香港就未好普及所以真係好想推廣到呢個遊戲，建立第一個屬於香港嘅狼人殺Channel，希望香港人除左自閉喺屋企打機之外，透過桌遊多啲出去見Friend，從遊戲中了解多啲身邊嘅人。」