陳慧琳一家揀歌撐歌神　老公劉建浩幕後代唱《最佳拍檔》

歌神許冠傑（Sam）即將開演唱會，而且他跟上時代，學黎明在Facebook專頁宣傳不特止，還在多位歌手的Facebook拍片，叫對方揀他的金曲，讓他在演唱會獻唱，先後有譚詠麟、黎明（Leon）及陳慧琳（Kelly）等歌手。繼Leon以明福俠Look回應後，連陳慧琳都拍了短片幫Sam揀歌。

Sam向陳慧琳表示：「Hello Kelly，我知妳最錫妳兩個寶貝仔，妳有冇教佢哋唱兩嘴我嘅歌呀？妳又最鍾意我邊首歌呢？」今日陳慧琳亦拍片回應：「Hello歌神Sam哥，我梗係有教兩個仔唱妳啲歌啦，不過講俾你聽你都唔信，竟然俾我搵番條片，你自己睇下。」

原來幾年前陳慧琳老公劉建浩，幫兩個囝囝劉昇(蝦餃仔)及劉琛拍片，還邊拍邊唱改歌詞版的《最佳拍檔》，把聲竟然甚似Sam，不斷唱「最佳拍檔，我哋永遠係最佳拍檔。我名叫蝦餃，最鍾意飲奶，手指腳指我都瀨晒，有啲似爹地，有啲似媽咪，我哋係最佳拍檔。」其後還聽到蝦餃仔大聲跟住唱《最佳拍檔》，陳慧琳不止幫歌神揀了《最佳拍檔》這首歌，還突顯Kelly一家也甚具唱歌潛質。