方中信拍《律政強人》否認回巢救亡　廖啟智：TVB夠晒忙

廖啟智（智叔）、方中信和李佳芯（Ali）為配合9月推出的新劇《律政強人》，到電視城拍攝劇集宣傳短片。問到兩位前輩智叔及方中信是否回巢拍劇為TVB救亡，二人都矢口否認，智叔更說：「救亡？TVB夠晒忙！」方中信則指：「救亡？無可能啦，TVB唔駛救啦，現在有咁多新血，有他們頂住，都夠啦。」

而Ali面對兩位前輩，仍不忘多謝他們指教：「尤其智叔，佢成日塞咗好多錢落我袋，平時拍戲的時候，我有需要改善的地方，都會教我下次如何會做得更好。」智叔聞言說：「我又唔覺塞錢落你袋喎。」Ali就話：「多數大人物塞咗少少錢都唔覺啲乜嘅，但我都要多謝佢哋。」

Ali工作不斷，剛忙完奧運主持，終於有時間休息：「都有一段短時間休息，想去一個小旅行，打算與一大班朋友去，但如果唔得，自己去都可以。」回顧過往做奧運主持的表現，Ali坦言做現場直播非常緊張，「皆因自己感受性強，難免會有點精神緊張。」不過，Ali還是希望下次再有機會做奧運主持。