老公身份繼續充滿謎團 楊思琦驚變「乜太」 ：叫返我做思琦啦
撰文：吳子生
出版：更新：
楊思琦今日（19/10）現身九龍灣為ViuTV全新旅遊節目《香港親善小姐》進行拍攝工作。提到最近宣布結婚再懷孕，思琦甜絲絲表達謝意：「多謝大家關心，而家個肚過咗三個幾月，咁所以想同大家分享呢份喜悅，預產期會喺下年，至於BB性別，遲下知道就話畀大家知。」
對於老公身份，思琦就話不想公開：「因為始終佢都唔係圈外人，我想好好珍惜呢段關係，保護佢嘅身份，唔想外界騷擾到佢。」問囡囡是否知道她懷孕？思琦直言：「佢知道一刻，成個人直頭興奮跳起身大叫好嘢，話有人陪佢玩。」被問到稱呼她做「乜太」時？思琦笑言：「你哋都係叫我做思琦啦，因為你哋叫我叫乜太嘅時候，我都唔知點應你哋，一陣應慢咗就唔好啦！」