【嫁到這世界邊端3】陳貝兒願為真愛傾盡所有：去非洲都得！

無綫綜藝節目《嫁到這世界邊端3》周五（18日）舉行記者會，主持陳貝兒（Janis）提到第三季將會是這節目的最後一輯，所以會更加用心做：「籌備嘅時候都花咗好多心機去搵特別嘅故仔，今次亦比以往去得更遠，橫跨非洲、歐洲、亞洲三大洲去搵愛情故事。」同時亦令Janis更加相信緣份：「去到咁遠都搵到真愛，其實隨時隨地行出街都可以撞到，突然好有希望，呢個係港女希望工程！」

Janis說拍攝時印象最深刻的一段愛情故事發生在非洲，受訪者Serena遠嫁到非洲，而被身邊親友追問因由，Janis說：「冇得話點解，有時我哋女人為咗愛情就會好傻！其實非洲人妻Serena唔係選擇自己嘅舒服同安全，而係揀咗愛情，為呢個男人甘心嫁到咁遠！」Janis對這個女孩的決定感到欣賞，當記者問到Janis有沒有想過嫁到這世界邊端，她說：「相信每個女人搵到真心相愛嘅人，都會用盡所有辦法留喺對方身邊，如果搵到真愛嘅就乜都會，去非洲都得。」