珠寶界女神莊莎娜做事要完美 家姐莊菲娜：佢做嘢好認真

莊菲娜（Fiona)莊莎娜（sarah)兩位珠寶界才女，昨日（16/10）孖住現身尖沙咀出席放映會活動。家姐Fiona提到妹妹Sarah在工作上表現相當出色：「佢做事上嚟，係一個非常認真嘅人，好追求完美又有自己嘅諗法，好堅持自己嘅設計同風格，雖然係咁，但佢又會聽下其他人嘅意見，所以喺做嘢方面佢係一個好嘅個作伙伴，我同佢在工作上其實就無乜磨擦，不過佢同其他人就可能會有。」Sarah在旁笑言：「其實我咩都要問咗佢先，佢先係我老闆。」

Sarah透露日前北上內地公幹，大讚內地科技比香港還要先進：「嗰日去到食嘢嘅地方，唔見有收銀櫃台，唔知點落單叫嘢食嘅時候，見到有部自動售賣機，我都唔識用，係隔離有人經過先幫我，然後再用手機電子錢包畀錢，所以我覺得佢哋嘅科技好勁又好方便，同我哋好香港唔同。」